• ×

يا راكب اللي يطوي الخط مسراه..

زيادة حجم الخط مسح إنقاص حجم الخط

يا راكب اللي يطوي الخط مسراه=مانافسه في خطّه إلا ظلاله
اليا سرى فـ الدرب محدٍ بويّاه=رادار ساهر ما يحدّد إرساله
ما فـ المواتر من يشابه حلاياه=لو فتّشوا مستودعات الوكالة
ياخذ من يدين المكارم مزاياه=ومن السِّطَر ماخذ قبول وشكالة
اليا نطحته وجه شيخ ٍ بمركاه=مقدام من يلفي عليه وعناله
لا ارخى متونه فالخطوط وتوّلاه=من ساق فيه وسجّله من حلاله
تقول حر ٍ تكسب الصيد يمناه=لا ظف جنحانه على ما بداله
سوّاقه اللي خافي الوقت عنّاه=لو هو ولد حر ٍ طوال ٍ حباله
وين الرفيق اللي تشرِّف سواياه=زيزوم قوم ٍ من خيار السلالة
رجلٍ كريم وتبذل الطيب يمناه=يوم انهم كثروا عيال الحثالة
الطيب له ناس ٍ تصونه وتحماه=لا قلّوا اللي يدّعون الجمالة
من طاب ساسه طاب راسه ومرباه=لو الظروف استقعدت له لحاله
جعل الردي واللي معه من فداياه=من يكسب الناموس في كل طالة
من يبذل المعروف في غير مجناه=ضاعت معاريفه وضيّع حلاله

سعود بن إبراهيم بن محمد السيف آل داود

 0  0  2.4K
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 09:39 مساءً الثلاثاء 27 محرم 1439 / 17 أكتوبر 2017.