• ×

تجارب الدنيا

زيادة حجم الخط مسح إنقاص حجم الخط
image


جربت في الدنيا من كل الأشكال=دروسها عسرة وصعبة قوانين
عمري قضيته بين طرقي ورحال=ومرت علي بوجهها الزين والشين
مناكب الدنيا عريضات وطوال=والناس فيها خاضعة للقوانين
والوقت يمضي بين نازل ورحال=وتعرف وجيه الناس والخافي يبين
رجال يفرق عن ثلاثين رجال=ورجال ما يملى من المرجلة عين
ورجال يسد بحال ويسنع أحوال=كنه على الفزعة معه عشر يدين
ياقف على الهقوة مواقيف الأبطال=جعل السعد فاله طليق الحجاجين
ودك تحطه في لزومك على البال=وترقى به أطول جال وتناطح البين
الأخطل اللي يرتكي عند الأهوال=وليا خبط صدره تقر الموازين
متسيد في الطيب رجلي وخيال=ومتفرد في المرجلة والنبا الزين
ماهوب من يركض ورى القيل والقال=ودايم علومه بين تفريق الاثنين
كنه على غرات الأجواد يختال=الله يسود وجهه سنين وسنين
اليا تحداك الزمن وأشهب اللال=والوقت والدنيا عليك متوصين
ما ودك ان الله يحدك للأنذال=اللي تزيدك ضيم من حين لا حين
مير الكريم معان في كل الأحوال=وإلا الردي مسكين ويموت مسكين

[/poem]

 0  0  8.4K
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 08:14 صباحًا السبت 11 صفر 1443 / 18 سبتمبر 2021.