• ×

مرثية في الأمير سلطان رحمه الله

زيادة حجم الخط مسح إنقاص حجم الخط
أحسن الله عزاءك يا خادم الحرمين الشريفين ويا سمو النائب الثاني وجميع الأسرة المالكة وأفراد الشعب السعودي كافة في سلطان الخير تغمده الله برحمته وأدخله فسيح جناته إنا لله وإنا إليه راجعون
( مرثية في الأمير سلطان )

ياضيق صدرٍ عقب فرقاك يا حزنه=والقلب في داخله جمرٍ وله صالي
طعم العسل عقبكم في الريق يا مرَّه=ما بعد فقدك زعل لو كان في عيالي
يجبر عزا ملوكنا والنفس منكسره=ولي عهد الملك في ذمه الباري
الشعب يبكي عليك اليوم يا صبره=سلطان ما ينسِي في قلوبنا باقي
منهو بيحصي فضايل سيدي وقدره=رمز الوطن في خيال الخلق ما ماتي
ريف اليتيم ويكف الدمع والعبره=يغني فقيرٍ حفظ ما الوجه يختالي
جبرت خاطر عجوز النيجر الحره=وأغنيتها عن جحور النمل تعتاشي
ورفعت طفلٍ من الكرسي لنا عبره=يوم القدم عاجزه والجسم مرضاني
وأهديت طفل اليمن راتب على الفكره=يضحك مع الناس صار الجيب ملياني
وقفت بالحد مع جندك على الحره=يا مرهب الحوثي ومعلى لنا الشاني
جندك لهم دمعة في العين محتصره=من عقب قبلت راس الجندي الدامي
واليوم خلَّف لنا في صدورنا حسره=فقده جلل ليت خِلد طول اليامي
يارب تغفر لراع الجود والنصره=يخالق الكون ومقلب لنا الحالي
يارب نزَّل من الرحمات في قبره=وجعله في عالي الفردوس ياعالي
شعر : مهيدي بن محمد المهيدي

 0  0  1.7K
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 07:09 صباحًا السبت 11 صفر 1443 / 18 سبتمبر 2021.