• ×

بين عشب وغدران

زيادة حجم الخط مسح إنقاص حجم الخط
الشاعر سعد ابن مسعود ابن حويل القريني احد شعراء مدينه نعام المعروفين ومن عائله يوجد بها عدة شعرا كثيرون ومن قصائده نقدم لكم هذه القصيده عندما ذهب الى منازل اهله وجماعته في احد شعبان نعام فوجد المنازل مهجوره وخاليه كأئنها لم تسكن من قبل اخذ يتذكر الاهل والاصحاب والمنازل في الزمن القديم ايام كثرة الامطار وكثرة الخير والبركه وبعد ذالك تهيض بهذه الابيات


ياوين اهلنا وين هاذيك الاظعان=وين العسوس وعقبها الصبح شده
يامانزلنا بين عشب وغدران=وياما مشينا في فياض مجده
وراحو من الدنيا ولا كلشن كان=صدتهم غبر السنين المصده
من خلقت الدنيا راضي وزعلان=ماطولت جمع القلوب الموده
تبدل الفرحات بهموم واحزان=كمن حبيب تاخذه ماترده
كمن شريف وطته درب حقران=قوي سد وبيحت منه سده
من ابعد المسراح جابه المسيان=أقفى نهاره واسود الليل حده
والرابح الي قاظبن خمسة اركان=مدام رجله بالمشي مستعده
من قبل مايقعد على الساس عجزان=ون عجز بالمركاة جاب المخده
يالله يامنشي غليظات الامزان=يالي تمد الخلق من جزل مده
ألطف بنا لي جاء للاعمال ميزان=وكلن كتابه من حداء يديه شده
أحدن بشمال يده نادم وخسران=والي بيمين ومن اهل الشر لده
على النبي صليت للقول ختمان=عد الرشاش و مانبت فوق خده






كتبه واعده /حسن بن سالم المخيليل
مكتب الرتبيه والتعليم بمحافظة الحريق

 3  0  2.1K
التعليقات ( 3 )

الترتيب بـ
الأحدث
الأقدم
الملائم
  • #1
    1432-03-05 05:43 صباحًا حوطي اصلي :
    قصيده ماشاء الله تبارك في قمه الروعه يعطيك العافيه الاخ حسن المخيليل واصل ابداعاتك فانا اكثر المعجبين فيك
  • #2
    1432-03-05 02:36 مساءً مهيدي بن محمد المهيدي :
    ونعم في ابن حويل شاعر عملاق والشكر لحسن سالم للمعلومية ابن حويل عامي والذي كتب القصيده له لم يفهم لهجة ابن حويل مثلاً في البيت الثالث ( كلشن ) وهي( كِن شن )وكذلك ( كمن ) وهي (كم من) في البيت الخامس والسادس أرجو الاستمتاع بالقصيدة بعد التعديل
  • #3
    1432-03-23 09:37 مساءً فهد المسعود :
    مشكوووور ابو فهد و ما قصرت و الله يعطيك الصحة و العافية .
جميع الأوقات بتوقيت جرينتش +3 ساعات. الوقت الآن هو 07:29 صباحًا السبت 11 صفر 1443 / 18 سبتمبر 2021.