• ×

انا وطني (بمناسبة اليوم الوطني )

زيادة حجم الخط مسح إنقاص حجم الخط
انا وطني (بمناسبة اليوم الوطني )


أنا وطــني شعار العز يرسـل لك=اذكر وطن لو أنامانيب نسيانــه
هذا خيالـي بجود الغيــم يرسم لك=تهديه بنت المطر طيفه وألوانــه
الشال الأخـضر على المتان يبين لك=إن السعودي فخور بمجد أوطانـه
من فضل ربي عطانا زود مـا نملك=ماعندنا إلا الشكر لجوده وإحسانـه
بيرق فخـر في السما يفتيك ويـدلك=إن الوطن باقيٍ وعالــيٍ شانـه
مجبور فكري عساه اليوم يشرح لك=إن الوطن له محطاتٍ وترسانـه
عبدالعزيز البطل ذا الركب يتبـع لك=وحِد شتتات الوطن ثم ثبت أركانه
عقبه أنجال تطبق نهجـه وتســلك=سيف الفخر عالي والروح طربانه
سعود الفخر قـدم الغالي وما يمـلك=مامات من يذكره شعبه وإخوانـه
وفيصل العدل نطرب يوم نسمـع لك=إن العروبه لـها حـق ولهانــه
وخالد الخير هذا الشعـب يذكـر لك=والناس ماتذكرإلا صـافي أزمانـه
فهد العروبه وكل الخلق تشــكر لك=عبدالعزيز الفهـد يشبهك في شانـه
خمس الكواكب دعت يارب من فضلك=وفي جنة الخلد هذي النفس ولهانـه
واليوم هذا الوطـن يصفا ويسـلم لك=يلي تقـوده بحـكمه وكـلك امانـه
هذا ابومتعب يقـود الركب متمــلك=يسوق لجل الوطن اكبر من أثمانـه
سلطان سلطان كـيف الناس ماتمـلك=أنت الكرم ياسليل الجود واعيانــه
ونايف الحـر هذا الأمن يشــهد لك=انك حميت الوطن من تافه خانــه
ياأحمد العزم من بعضـك ومن كـلك=تدعم مواطن تبدد كافـة أحزانــه
سلمان سلمان نشـهد طيبك وعـدلك=همك يخلي جميع الناس مرضانــه
يمحمد النايف تســلم تسـلم وجعلك=يحفظك ربٍ حمى عبـده وأعانــه
يوم الخميس الوطن زاهي ويضحكلك=يطرب له الشاعر إلى رتب أفنانــه
قــم ياوطن واشكرالله إلي يسـرلك=عبدالله إلي يضم الدار باحضانـــه
في كل مجال لنا خطـوه عسى نسلك=درب الحضارة يخلي الأرض ريانه
نبي نكـون أول العالـم ونضمن لك=تكون في عيونـنا دره ومنصانــه
وختامها هذا شعــري لك وما املك=روحي فدا للوطـن والنفس رضيانه



مهيدي بن محمد المهيدي مدرسة : الحريق الثانيه

بواسطة : المشرف العام
 0  0  2.6K
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 07:39 صباحًا السبت 11 صفر 1443 / 18 سبتمبر 2021.